Kreu i grupit parlamentar të PD-së, Edi Paloka, ka reaguar ndaj klritikave të disa deputetëve demokratb ndaj kryetarit Lulzim Basha, kritika që u intensifikuan pas humbjes në Dibër.
“Asnjëherë kritikat dhe debatet që shërbejnë për rregullimin e gabimeve dhe zgjidhjen e problemeve nuk bëjnë dëm, përkundrazi. Zgjedhjet në Dibër i pa i madh e i vogël që ishin shembulli më i fundit se kjo qeveri e ky kryeministër nuk mund të zhvillojnë zgjedhje të lira e të ndershme. Jo vetëm opozita, por dhe mediat faktuan qartazi se në Dibër votat për “Rilindjen” u morën me të gjitha mënyrat kriminale që përmban repertori i dhunimit të vullnetit të lirë të qytetarëve; shantazh, dhunë dhe blerje e votës nga mafia e kanabisit dhe shtetit të mafies. Ai që deklaroi se fajin për humbjen e PD-së e kishte Lul Basha dhe vetë PD, ishte Rama”, thotë Paloka për gazetën “Koha Jonë”.
I pyetur nëse do të ketë masa ndaj kritikëve të Bashës, Paloka shprehet:
“As nuk ka ndodhur e as nuk do të ndodhë ndonjëherë që të përjashtohet kush nga PD-ja për mendimet e tij”./a.m.
