Kryetari i “Lëvizja Bashkë”, Arlind Qori, i pyetur në emisionin “Të Paekspozuarit” në MCN TV, se ç’do të bëjë kjo parti nëse në Tiranë ka zgjedhje të parakohshme për Bashkinë, deklaroi se do të marrin pjesë, por nuk kanë vendosur ende se kush do të jetë kandidat për kryetar.
Biseda
Qori: Pa diskutim që Lëvizja bashkë do të kandidojë për zgjedhjet e Tiranës. Jemi duke diskutuar, por që “Lëvizja Bashkë” do të kandidojë, do të kandidojë.
Rakipi: Ti personalisht se ke marrë goxha vota.
Qori: Nëse do të jem unë, apo dikush tjetër, jemi duke e diskutuar si të jetë më e mira për shoqërinë.
Haxhiu: Po pse keni dilema për dikë tjetër?
Qori: Se mund të kemi talente.
Haxhiu: Jo, jo. Talente mund të kesh sa të duash. E doni një betejë të një lideri në një hapësirë çfarë është Tirana pa marrë parasysh a humb apo jo?
Qori: Unë s’e kam problem. Kam bërë beteja kur ishim 4 muaj parti.
Haxhiu: Ashtu bëhet i vërtetë.
Qori: Nëse konkretisht, se ne nuk e dimë nëse ka zgjedhje apo jo.
Haxhiu: Kur ti dy liderë i ke të vjetër që janë në ikje e sipër, një lider që ka pretendime të hyjë në politikë, i krijohet një hapësirë e madhe dhe bën beteja dhe beteja bëhet në këto raste si Tirana, Parlamenti…
Qori: Dakord por nuk e kemi vendosur akoma.
