Kreu i Urgjencës Kombëtare, Skënder Brataj, ka folur në lidhje me lehtësimin e masave në vend, ku është shprehur se nuk mund të hiqen të gjitha masat njëkohësisht.
Ai shtoi që patjetër që në mbledhjen e kësaj jave të Komitetit Teknik do të ketë një lehtësim masash por nuk preferoi t’i tregonte cilat janë ato.
“Në të gjithë botën dhe në Shqipëri nuk mund të heqësish të gjitha masat njëkohësisht. Kuptohet që do të ketë lehtësim masash. Edhe mbledhja e kësaj jave do të rishikohen masat. Por mos mendoni se do t’i heqim menjëherë. E vetmja mënyrë është vaksinimi i sa më shumë njerëzve.
Objektivi i fundit është vaksinimi i operatorëve turistikë. Ata do të kenë përballje më të madhe. Ata vetë të mos jenë të rrezikuar. Personat e vaksinuar transmetimin e infeksionit e kanë shumë të ulët”, u shpreh Brataj./ b.h
