“Paratë nuk të bëjnë të lumtur”, ka thënë dikush. “Por sigurisht të ndihmojnë për të qenë të lumtur”, është fjalia që shtohet shpesh.
Nëse na ndihmojnë pak apo shumë, raporti me paratë varet nga vizioni me të cilin ne e shohim botën. Ka nga ata që ndihen të qetë, duke vënë mënjanë lekë për të mos u privuar veten nga kënaqësi të ndryshme. Ju vetë, çfarë marrëdhënie keni me paratë?
1 – Kur je poshtë me moral?
a. Sheh filmin tënd të preferuar.
b. Merr një javë pushim dhe largohesh diku.
c. Del xhiro nëpër dyqane dhe blen gjithçka që të pëlqen.
2 – Bankieri të thërret dhe të thotë që llogaria jote është minus
a. E garanton se nuk do të ndodhë më.
b. Nevrikosesh, duhet të ketë ndonjë gabim.
c. Nuk habitesh. Nuk është hera e parë që ndodh.
3 – Je shumë e dashuruar. Shkon me të dashurin tënd në restorant, por në momentin që do paguajë të thotë se ka harruar portofolin
a. Qesh. Sa mashtrues!
b. Ndihesh e zhgënjyer nga sjellja e tij.
c. E paguan, duke menduar se nëse do ta dije nuk do kishe shpenzuar aq
shumë me të ngrënë.
4 – Fiton disa para dhe mendon të blesh veshje. Mendon:
a. Paraqitja është mënyra ime e të jetuarit.
b. Paraqitja është mënyra ime e të punuarit.
c. Është normale, kjo është kostoja e jetës!
5 – Kur ishe i/e vogël, çfarë bëje me kursimet
a. I ruaje në sirtar.
b. Blije bizhuteri.
c. Blije karamele dhe i haje me mikeshat.
6 – Të mungojnë 500 euro për të blerë kompjuterin. Një mikja jote është e gatshme të t’i japë borxh
a. Kështu nuk do të paguaje interesat.
b. I premton se do t’ia kthesh shumë shpejt.
c. Pse mos m’i dhuronte me gjithë ato para që ka
7 – Kushëriri yt sapo ka blerë një makinë të re
a. Çfarë fati. Nëse do të kisha para do të blija edhe unë një.
b. Si mund t’i harxhosh gjithë ato para për një makinë.
c. Sa mirë.. më bëhet qejfi për të. I duhej.
MË SHUMË PËRGJIGJE A
Paratë janë kënaqësi
Raporti yt me paratë është në varësi të kënaqësisë dhe të personave që të rrethojnë. Kur ke pak para të pëlqen të bësh dhurata, të ftosh miqtë në restorant.
Rregulli i jetës tënde është të përfitosh nga e sotmja me personat
që do. Për ty paratë janë për t’u shpenzuar dhe jo për t’u vënë mënjanë. Ke një vizion më shumë shpirtëror se sa materialist.
MË SHUMË PËRGJIGJE B
Paratë janë fuqi
Të pëlqen të kesh pak lekë në bankë, por edhe të shpenzosh shumë.
Mendon se paratë të shërbejnë për të qenë e lumtur. Ndjenja materialiste të shoqëron në ditët e tua. Nëse nuk e ke xhepin plot, ndihesh keq dhe nuk do të dalësh. Mëson nga situatat e vështira dhe reflekton mbi to. Paratë janë më të rëndësishme se ari dhe të ndihmojnë të kesh raporte të mira me ata që të rrethojnë.
MË SHUMË PËRGJIGJE C
Paratë – T’i harxhojmë
I konsideron paratë mundësi për t’u kënaqur dhe dëfryer. Dhe mendon gjithmonë për të vënë disa lekë në bankë, jo vetëm për raste krizash, por edhe për të përfituar nga interesat e tyre. Shpenzon me llogari dhe ble gjërat e duhura. Nuk i shpenzon siç bëjnë femrat e tjera, për të blerë sandale, veshje, apo për të shkuar tek parukierja çdo javë.
