Kryetari i Kuvendit Gramoz Ruçi vendosi ndërprerjen e seancës për herë të tretë pasi kreu i opozitës Lulzim Basha nuk pranoi të lirojë foltoren. Ruçi i kërkoi sërish Bashës të dalë nga salla pasi më herët kishte vendosur masë disiplinore për përjashtimin e Bashës, me të njëjtin motiv, uzurpimin e foltores.
Por, kreu i PD, i rrethuar edhe nga deputetët e tjerë nuk pranoi lëshimin e foltores. Ruçi ka kërkuar nga shërbimet e Kuvendit zbatimin e vendimit. Në situata të tilla, ndërhyjnë punonjësit e Gardës, edhe pse deri më sot nuk mbahet mend ndonjë rast kur të jetë nxjerrë me forcë deputeti.
Tashmë mbetet vetëm të presim se si do veprohet. Ndëkorhë, teksa seanca u ndërpre, në parlament deputetët i janë bashkuar nismës për të dhuruar gjak./a.m.
