Taulant Balla i ftuar në një lidhje Skype ditën e sotme në Top News, foli për çështjen e “21 Janarit” pas daljes së provave të reja nga audio-regjistrimi i publikuar ekskluzivisht nga gazetari Artan Hoxha në emisionin “Zona Zero”
I pyetur nga gazetari Thimi Samarxhiu nëse qeveria ka dështuar në këto 10 vite në vënien drejtësi të ngjarjes së ndodhur 12 vite më parë, Balla tha se nuk e konsideron të tillë.
“Ne nuk jemi gjykatë e as prokurori, jemi pala që jemi dëmtuar në atë protestë. 4 të vrarët, ishin 4 prej nesh, mund të isha vrarë unë, kolegët e mi.
Sic thoshte dhe Berisha mund të ishte vrarë dhe Rama nga snajperistët e vet. Ne kemi bërë të gjitha përpjekjet tona, kemi bërë kallëzime penale që në vitin 2011. Ne kemi depozituar në prokurorinë e Tiranës kallëzimin e parë, pastaj kemi vazhduar me prova të reja, dokumente, filmime,” tha Balla.
/e.d
