Infermierja Geralda Alsula është në pritje për t’u bërë nënë por çdo ditë u shërben pacientëve me COVID në spitalin Infektiv.
Që prej ditës së parë të pandemisë në vendin tonë Geralda shërben në repartin e vështirë të reanimacionit në këtë spital.
Foton e saj e ka shpërndarë ministrja e Shëndetësisë Ogerta Manastirliu ndërsa e ka vlerësuar për punën e vështirë.
Geralda nuk e ka ndalur për asnjë moment punën në reanimacionin e këtij spitali, shkruan ministrja.
“Prej ditës së parë të epidemisë në vend, Geralda Alsula shërben në repartin e vështirë të reanimacionit në Spitalin Infektiv. Me përkushtim e sakrificë, Geralda nuk e ka ndalur për asnjë moment punën, sot e gjithë ditën, teksa është në pritje për t’u bërë nënë”, shkruan ministrja.
