Ata do të jenë kordinatorët e zyrës së posaçme që është ngritur në kryeqytet për vlonjatët që punojnë dhe jetojnë në Tiranë.

Gjiknuri shkruan se vëllezërit Veshaj dhe Partinë Socialiste i bashkon dëshira dhe vullneti i mirë për të mbështetur punët e mira.

“Donald dhe Romeo Veshaj janë jo vetëm dy të rinj vlonjat të suksesshëm por tashmë do të angazhohen edhe si kordinatorët e zyrës së posaçme për të rinjtë që kemi ngritur në Tiranë.

Një zyrë që do të shërbejë si vendtakimi për të gjithë vlonjatët që jetojnë dhe punojnë në kryeqytet.

Na bashkon të gjithëve dëshira dhe vullneti i mirë për të mbështetur punët e mira që po transformojnë Qarkun e Vlorës nga Konispoli në Novoselë”, shkruan Gjiknuri.