Veriu dhe juglindja “pushtohen” nga ngricat, ARRSH: Akset kombëtare janë të hapura

Reshjet e dëborës u ndërprenë, por në veri dhe juglindje të vendit temperaturat kanë qenë mjaft të ulëta gjatë natës së kaluar duke shkaktuar ngrica.

Në Qarkun e Korçës termometri ka shënuar minus 11 gradë Celsius. Gjendja e rrugëve kombëtare raportohet e mirë dhe të gjitha akset janë të hapura.

Vetëm në pjesë të caktuara të rrugëve drejt Boboshticës dhe Dardhës nevojiten zinxhirë. Bashkia e Korçës thotë se po punon për hapjen e rrugëve rurale.

Në një njoftim të ARRSH thuhet se drejtuesit e mjeteve duhet të tregohen të kujdesshëm për shkak të ngricave në rrugë.

NJOFTIMI:

Njoftim për gjendjen e akseve kombëtare

Reshjet kanë pushuar temperatutar janë shumë të ulëta në veri dhe në juglindje të vendit.

Kontraktorët kanë bërë shpërndarjen e kripës për të eleminuar ngricat.

Qarkullimi bëhet normalisht në të gjitha akset kombëtare.

Drejtuesit e mjeteve të tregohen të kujdesshëm sidomos gjatë natë dhe në orët e para të mëngjesit për shkak të ngricave në rrugë, të reduktojnë shpejtësinë dhe të respektojnë sinjalistikën

/a.r