Një ngjarje e rëndë u shënua më 9 maji të këtij viti në Agio Petro Lefkim të Greqisë, ku një e re shqiptare u përdhunuar nga një grek.
47-vjeçari Dhimitri Aspioti, i cili akuzohet për rrëmbimin dhe përdhunimin e një 34-vjeçares bëhet me dije se është arrestuar në Korfuz.
Sipas raportimeve ai ka qenë i armatosur dhe ka bërë rezistencë.
Denoncimi për zhdukjen e shqiptares u bë nga burri i saj 32-vjeçar, i cili tha se u zgjua në mëngjes por nuk gjeti në banesë bashkëshorten. Ai tha për policinë se një nate më parë ishin takuar me Aspiotin, i cili jetonte në Lefkimi nën masën e detyrimit për paraqitje dhe ndalim dalje nga Korfuzi.
Aspioti në 2012 u dënua me 52 vjet heqje lirie për përdhunimin e 6 të rinjve britanikë në vitin 2010 dhe mori nga media britanike nofkën “dragoi i Kavos”, por u lirua në nëntor 2019 duke shfrytëzuar një ligj të kohës në Greqi.
/e.rr
