Duke shijuar një birrë pranë njëri-tjetrit, vrap nga parqet e mbipopulluara apo përqafime pa maska e doreza. Kjo ishte situata dje në kryeqytetin e Suedisë, teksa bota gjendet në izolim.
Kafenetë, baret dhe restorantet në Suedi vazhdojnë të jenë plot me njerëz, ndonëse numri ditor i vdekjeve në vend, prej koronavirusit vazhdon të rritet.
Pavarësisht shpërthimit të virusit, fotografitë e shkrepura në Stokholm ditën e djeshme, dëshmojnë imazhe gati të pabesueshme, të një jetë që duket se vijon normalisht.
Suedia është i vetmi vend në Evropë që nuk ka vendosur bllokime dhe masa shtrënguese – edhe pse numri i të vdekurve është më i lartë se në SHBA, Iran dhe Gjermani në krahasim me numrin e popullsisë.
Ky është një vendim që ka ngjallur kritika nga disa shkencëtarë dhe mjekë, të cilët e kanë paralajmëruar qeverinë se “do ta çojë Suedinë drejt katastrofës”.
Suedia numëron deri sot, mbi 16 mijë të infektuar me koronavirus dhe 2 mijë të vdekur. Ky vend synon të arrijë imunitetin e tufës. Para disa ditësh autoritetet thanë se kishin arritur mbi 40 për qind të popullatës në Stokholm, të imunizuar. /a.r
