Ka ndërruar jetë një prej drejtuesve të automjeteve të përfshira në aksidentin në Tiranë-Fushe-Kruje, ndërsa Policia informon se 6 të plagosurit e tjerë janë jashtë rrezikut për jetën.
Bëhet fjalë për 59- vjeçarin F.Xh., i cili u përplas me autobusin, ndërkohë grupi hetimor po punon në vendngjarje për zbardhjen e shkaqeve.
Durrës/Informacion paraprak
Më datë 01.03.2020, rreth orës 17:30, në aksin rrugor Tiranë-Fushë Krujë, në Tapizë, janë përplasur mjeti tip “Benz” me një mjet tip “Volkswagen” me drejtues shtetasin F.Xh.,59 vjeç, i cili për pasojë ka ndërruar jetë.
Po si pasojë e përplasjes janë dëmtuar dhe 6 pasagjerë të tjerë të autoveturës dhe autobuzit,të cilët janë dërguar në spital nën kujdesin e mjekëve jashtë rrezikut për jetën.
Grupi hetimor ndodhet në vendngjarje dhe po punon zbardhjen e shkakut të aksidentit. /e.s/
