Ka folur për herë të parë Afërdita Laze, gruaja, e cila mbeti e plagosur brenda shtëpisë nga dy persona me maskë. Ajo ka deklaruar para grupit hetimor se autorët kërkonin lekët, por nuk morën gjë.
59-vjeçarja ka shtuar se pasi dëgjuan zhurmën në korridor, doli burri ndërsa hajdutët i drejtuan pistoletën.
“Ishim në dhomë, dëgjuam një zhurmë. Dëgjuam vajzën që bërtiti ‘kush është aty’.
Pasi dëgjuam zhurmën doli Petriti të shihte. Petriti u ndesh në korridor me dy veta të maskuar. Dukeshin të rinj, bërtisnin vetëm ‘lekët, lekët’. Më pas i drejtuan Petritit pistoletën. Petriti tentoi ti nxirrte jashtë nga shtëpia por ata e qëlluan. Kur u afrova më qëlluan edhe mua. Pastaj ikën me vrap”, ka thënë gruaja.
Sipas burimeve zyrtare, ngjarja ndodhi rreth orës 21:40, kur çifti Laze ka dëgjuar që në banesën e tyre ka hyrë dikush. Pasi personat janë konstatuar nga bashkëshortët, njëri prej tyre ka qëlluar, duke i lënë të plagosur.
Petrit dhe Afërdita Laze u transportuan në Spitalin e Traumës, kur gjatë mbrëmjes së djeshme iu nënshtruan ndërhyrjeve kirurgjikale. Mësohet se Afërdita ka marrë një plumb në kofshë dhe është në gjendje më të mirë, ndërsa Petrit Laze ka marrë një plumb në bark dhe ndodhet në gjendje më të rëndë.
g.kosovari
