Presidenti Hashim Thaçi do të takohet nesër në Prishtinë me Richard Grenell, i cili është angazhuar për ndërmjetësim të dialogut Kosovë – Serbi.
Zyra e Presidentit njofton se Thaci nesër në orën 13:00 e pret në zyrën e tij emisarin e presidentit amerikan Donald Trump, transmeton Gazeta Express.
“Në orën 13:00, Presidenti i Republikës së Kosovës, Hashim Thaçi, pret në takim Përfaqësuesin Special të Presidentit të SHBA-së, Donald Trump, për dialogun Kosovë-Serbi, ambasadorin Richard Grenell”, thuhet në njoftimin e Presidencës.
Grenell e viziton Kosovën për herë të parë, pak ditë pasi ai e mori detyrën e re si i dërguar special i SHBA’së në negociatat mes Kosovës e Serbisë, që janë ndalur qe një vit.
I angazhuari i Trumpit është ambasador i Shteteve të Bashkuara në Gjermani.
Grenell, sic ka raportuar sot T7, pritet ta takojë edhe fituesin e zgjedhjeve, sipas rezultateve preliminare të 6 tetorit, Albin Kurtin, i cili është kandidat i Vetëvendosjes për kryeministër.
