Ekzekutohet me armë zjarri një shqiptar në Athinë. Lajmi bëhet i ditur nga mediat greke, të cilat raportojnë se ngjarja ka ndodhur mesnatën e djeshme.
Viktima është 33 vjeç, i lindur në vitin 1986, por gjeneralitetet e tij nuk bëhen me dije. Shqiptari u qëllua me armë zjarri në rrugë, në lagjen “Hajdari”.
Ai mori plagë të rënda në shpinë dhe u transportua në spital pasi u gjet i shtrirë në rrugë nga kalimtarë të rastit. Policia gjithashtu u njoftua lidhur me ngjarjen. I riu u transportua për në spitalin e Athinës “G. Gennimatas”, por nuk mundi të mbijetoje, duke ndërruar jetë aty.
Autori apo autorët janë ende në arrati, ndërsa policia ka nisur hetimet për zbardhjen e ngjarjes. (BW)
