Shqipëria do të përballet ditën e nesërme me Islandën në ishull, në ndeshjen e parë për trajnerin italian, Edi Reja.
Tekniku i kombëtares është shprehur optimist në konferencën për mediat.
Ai tha se këto javë stërvitjeje ka vënë re një dëshirë nga ana e futbollistëve për të punuar dhe shpreson në një rezultat pozitiv.
Edhe pse përballë do të kenë një prej skuadrave që ka njohur rritje vitet e fundit, Reja tha se do të bëjë gjithçka që të nxjerrë më të mirën nga lojtarët e tij.
Grupi i kombëtares është i plotë, me përjashtim të Grezdës që u tërhoq për shkak të një dëmtimi.
Edhe për Islandën kjo do të jetë një ndeshje ku çdo gjë duket e përgatitur mirë.
Ndeshja do të transmetohet në RTSH.
/a.r
