Moderatorja Eneida Xhelili dhe vajza e saj Franka, ishin të ftuara pasditen e sotme në studion e “Ftesë në Pesë” me Bieta Sulon, në Top Channel. Përveç se ndanë momente dhe emocione nga Festa e Abetares, Eneida foli pak edhe për karrierën e gjatë në televizion, duke pranuar se tashmë që është shkëputur, i mungon ekrani.
Ndaj në bisedë e sipër, Bieta i zbuloi videomesazhin surprizë nga zonja Tefta, bashkëpuntorja e saj për vite më radhë në emisionet e mëngjeseve.
“Kaluan shumë vite që kemi punuar bashkë, pothuajse 13 vjet. Në një marrëdhënie jashtëzakonisht të pastër, të bukur, serioze, të sinqertë. Vlerësoj shumë këtë marrëdhënie me Eneidën, pasi diferenca e moshës, ka bërë që ne mos të ndiejmë këtë diferencë, si Eneida ashtu dhe unë ndaj Eneidës. E ksha si vajzën time”, përfundoi videomesazhin zonja Tefta.
Mjaftuan vetëm këto fjalë dhe Eneida nuk i mbajti dot lotët, duke treguar se marrëdhënia e tyre ka qenë shumë e veçantë dhe i mungon.
/a.r
