Futbolli bolivian është në zi. Arbitri Víctor Hugo Hurtado ndërroi jetë pasi i ra të fikët gjatë ndeshjes Always Ready-Oriente Petrolero, e vlefshme për kategorinë e parë të Bolivisë.
Në minutën e 54-t të ndeshjes, arbitri nisi të lëkundej dhe u rrëzua në tokë. Menjëherë iu dha ndihma e parë mjekësore në fushë dhe u largua me ambulancë, por nuk arriti dot të shpëtonte.
Shkaqet e vdekjes po hetohen, por, sipas shtypit bolivian, 32-vjeçari mund të ketë pësuar infarkt.
Vdekja e arbitrit ka rikthyer debatin për veprimtaritë sportive që zhvillohen në lartësi të mëdha. Always Ready i luan ndeshjet e tij pranë La Paz-it, në një lartësi 4150 metra mbi nivelin e detit. Shumë mjekë nuk e këshillojnë zhvillimin e aktiviteteve sportive pa u përshtatur më parë për një farë kohe me kushtet e reja.
Murió un árbitro en el fútbol boliviano en pleno partido.
Fue entre Always Ready y Oriente Petrolero. Víctor Hurtado tenía 32 años cuando sufrió un infarto en pleno juego a 4000 mil metros.
Lo trasladaron y no pudieron reanimarlo. El partido increíblemente se siguió jugando. pic.twitter.com/x736G7fPgD
— FRANCO RABAGLIO (@FrancoRabaglio) May 19, 2019
g.kosovari
