Stadiumi “Loro Boriçi” nuk do të administrohet më nga FSHF, por nga bashkia e Shkodrës, që është edhe pronare e impiantit që u rikonstruktua vetëm dy vite më parë.
Në muajt e fundit ka pasur jo pak polemika për çështjen e administrimit të stadiumit, por sot ka mbyllur çdo dilemë vetë presidenti i FSHF-së, Armand Duka, i cili në vizitën e bërë në Shkodër, duke folur për mediat, ka sqaruar edhe se si do të procedohet me stadiumin.
Sot Duka ka pasur një takim edhe me kryebashkiaken e Shkodrës, Voltana Ademi. “Jemi në procesin e dorëzimit të stadiumit te Bashkia e Shkodrës për ta menaxhuar ajo ‘Loro Boricin’. Punë ditësh përfundon gjithçka”, – deklaroi Duka.
Presidenti i FSHF-së, ka marrë pjesë pak minuta më parë, së bashku me ish-kapitenin e Shqipërisë, Lorik Cana, në përurimin e një fushe sportive në kopshtin “Ismet Sali Bruçaj” në Shkodër.
g.kosovari
