Nga Peter Tase
Ilir Meta’s charming ambivalence towards NATO and Albanian politics
Organizata e Traktatit të Atlantikut të Veriut (NATO) feston 70 vjetorin e themelimit të saj në prill 2019, ndërsa më 29 mars, Republika e Shqipërisë gjithashtu përkujtoi përvjetorin e saj të dhjetë si një anëtare me të drejta të plota e aleancës transatlantike; Tirana është një nga 29 vëndet e Amerikës së Veriut dhe Europës që janë pjesë e këtij bashkëpunimi politik dhe mbrojtës. [1]
Sipas Gjeneralit John (Xhon) R. Allen, president i Institutit Brookings në Uashington, DC, dhe një gjeneral në pension me katër yje që komandonte Forcën Ndërkombëtare të Ndihmës së Sigurisë së NATO-s dhe Forcat e SHBA në Afganistan: “NATO është jashtëzakonisht e rëndësishme sot; Mendoj se nuk është vetëm një mburojë për sigurinë e marrëdhënieve transatlantike, por siç e shohim ajo përballet me sfidat e demokracisë të shprehura në veçanti në marrëdhëniet transatlantike, mendoj se NATO është gjithashtu një pengesë në këtë drejtim.”[2]
Në këtë kontekst, NATO ka dështuar të identifikojë kërcënimet nga veprimtar të brendshëm, përmbaj provokimet ndaj saj të shkaktuara nga brënda, të zbulojë menjëherë lidhjet e shtetarëve të Tiranës me Moskën dhe të marrë masa serioze për të eliminuar dhe monitoruar rrjedhjen e informacioneve konfidenciale të raportuara në kanalet e Shërbimit të Inteligjencës së Huaj – Moskë, nga Presidenti Ilir Meta dhe njerëzit e tij të afërt.
Menjëherë pas betimit të tij si Kryetar Shteti në korrik 2017, Presidenti Ilir Meta dhe zonja e parë e vendit (de-facto) Monika Kryemadhi janë ndër nxitësit kryesorë në shkatërrimin serioz të balancës së qeverisjes midis tre degëve të pushtetit në Republikën e Shqipërisë; dhe prishjen e imazhit të Tiranës në botë dhe në rajonin e Ballkanit, duke ditur për aktivitetet e tyre të dyshimta në nënshkrimin e kontratave të shtrenjta me lobues të kripur në Uashington DC, me Grupin McKeon (ndërsa bashkatdhetarët e tyre jetojnë në varfëri ekstreme) një kontratë kjo gjashtë mujore që arriti mbi USD250,000; ndërsa origjina e këtyre fondeve ka lidhje pa dyshim me Oligarkët e Z. Meta që operojnë në luginat lindore të vargmaleve Urale.
Sipas Z. Besar Likmeta, një gazetar investigativ i BIRN-Shqipëri, Meta i ka dhënë Grupit McKeon mbi USD15,000 në muaj, për të siguruar një vend në ceremoninë e betimit të Presidentit Donald Trump më 20 janar 2017, gjashtë muaj para zgjedhjes së Metës si President i Shqipërisë. [3] Grupi McKeon është një kompani lobuese e udhëhequr nga ish përfaqësuesi republikan në Kongresin Amerikan Howard P. “Buck” McKeon, është një firmë private e specializuar në mundësimin e bisedave specifike rajonale dhe gjeopolitike brenda sallave të Kongresit në dobi të vëndeve si Shqipëria; por në rastin e Z. Meta, ky i fundit si një lider dhe kryetar ekstravagant i LSI-së dhe Parlamentit Shqiptar (2013-2017), pagoi një tarifë të çmendur për të siguruar vetëm një biletë për ceremoninë e inaugurimit presidencial, diçka që Ambasada Shqiptare në Uashington apo stafi i tij i afërt në Kuvendin e Shqipërisë, mund tja kishte rregulluar me lehtësinë më të madhe. [4]
Në shkurt, 2016, partia e Ilir Metës filloi të shpenzonte mbi USD120,000 në kontratat e lobimit me Kompaninë e Strategjisë dhe Sigurisë Globale dhe Inovacionit (GSIS) [5] në Uashington, gjatë gjithë muajve të njëpasnjëshëm. Deri në ditët e sotme, pavarësisht lidhjeve të fshehta të Metës me aktorët gjeopolitikë lindorë, nuk dihet burimi dhe origjina e këtyre shumave të mëdha të parave, as arritjet konkrete apo konceptet kontraktuale të kësaj marrëveshjeje nuk janë publike; përfshi këtu edhe kontributet e prekshme të kësaj marrëveshjeje për Partinë Politike të Lëvizjes Socialiste për Integrim (LSI) të Z. Meta. Megjithatë, eksponentët kryesorë të LSI, kanë krijuar lidhje me institucione të ndryshme të Federatës Ruse, një partneritet që i mundëson financimin aktual të protestave të dhunshme në bulevardet e Tiranës.
Për më tepër, manovrat e dhunshme të LSI dhe strategjia e përqafuar nga udhëheqja e saj e pakulturuar janë një tjetër dëshmi e burokracisë së shëmtuar në lëvizjen opozitare të Shqipërisë dhe ilustron një nivel të lartë të korrupsionit që ka depërtuar në institucionet më të larta të Shqipërisë dhe në sektorët e qeverisë ekzekutive, dhe Ministrinë për Europën dhe Punëve të Jashtme. [6]
Këto realitete të ngurta dhe pa vizion në Uashington si dhe komunikimet e shpeshta të Metës me Moskën tregojnë ngurrimin e Brukselit (BE) për të hetuar, ndërsa NATO vazhdon të ruaj qetësinë ndonëse sjellja Meta-Kryemadhi është arsyeja kryesore e zhdukjes së vlerave demokratike dhe shkeljes së hapur të Kushtetutës së Shqipërisë.
Ilir Meta, një sundues i korruptuar që shërben si President, ndërsa gruaja e tij kontrollon partinë e dytë më të madhe të opozitës (përgjegjëse për organizimin e protestave të dhunshme kundër qeverisë dhe zyrave të parlamentit në Tiranë), po minojnë strategjikisht mekanizmat e kontrollit për të ruajtur pushtetin dhe për të siguruar sistemet dhe mundësitë për vetë-pasurim maramendës, në kurriz të popullit shqiptar. Njëkohësisht, ndërsa Tirana ka fituar një reputacion të përgjithshëm negativ jashtë vendit, kryeministri Edi Rama përpiqet të reduktojë pabarazinë sociale, të kufizojë keqmenaxhimin e fondeve publike, të luftojë korrupsionin, të nxisë turizmin bujqësor-rural dhe të promovojë infrastrukturën publike, rrugore dhe atë rajonale.
Lidhjet e Presidentit Ilir Meta me Kremlinin dhe me agjentë të tjerë lindorë me influencë, si dhe aktivitetet e tij të paligjshme, private në rajonin e Ballkanit, veçanërisht në fushën e pasurive të paluajtshme dhe atë të eksportit të paligjshëm të mermerit dhe gurit nga Malin TOMORI, dhe malësia e Skraparit, drejt Italisë po bëhen gjithnjë e më shumë kërcënim për shkatërimin e eko-sistemit shqiptar, përkeqëson imazhin dhe Politikën e Jashtme të Shqipërisë, e orientuar nga Perëndimi, dobëson pozitën e Tiranës në inisiativat e Mbrojtjes Transatlantike dhe mbi të gjitha dëmtojnë ekonominë dhe industrinë kombëtare.
Udhëheqësit e Organizatës së Traktatit të Atlantikut të Veriut (NATO) duhet menjëherë të caktojnë një ekip për të kryer një hetim të përgjithshëm mbi lidhjet e fshtehta të Presidentit Meta me oligarkët e pasur të lindjes, një grup pune që të shqyrtoj origjinën e pasurisë së tij të madhe dhe të hetoj burimet e mëdha financiare të LSI-së të akorduara për të paguar grupe lobimi në Uashington dhe Bruksel, në një kohë kur ambasadat e Shqipërisë në Londër dhe vënde të tjera nuk kanë para për të porositur flamuj kombëtarë që e kanë Shqiponjën dy-krenare ashtu siç e parashikon Kushtetuta e Republikës dhe protokolli. [7]
Burime dhe referenca
[1] http://top-channel.tv/2019/03/29/nato-zbarkon-ne-tirane-shqiperia-10-vjet-ne-aleance/
[2] https://www.brookings.edu/wp-content/uploads/2019/03/20190329-NATO-Final-Transcript.pdf
[3] https://www.reporter.al/ilir-meta-puneson-lobist-per-te-siguruar-ftese-ne-inagurimin-e-donald-trump/
[4] https://mckeongrp.com/what-we-do-2/international-government-affairs/
https://www.reporter.al/shpenzimet-e-medha-per-lobuesin-amerikan-i-hapen-dyert-ne-uashington-lsi-se/
https://www.reporter.al/wp-content/uploads/6335-Supplemental-Statement-GSIS.pdf
30 Mars, 2019
Milwaukee, Wisconsin
