Këtë vit kalendarik nis edhe skadimi i kartave të identitetit dhe pasaportave biometrike.
Por, problemet janë shfaqur edhe në Qarkun e Beratit. Radhë të gjata me qytetarë që presin për të aplikuar sheh në çdo ditë të javës, shumë prej të cilëve nuk mbarojnë dot punë dhe u duhet të rikthehen për të disatën herë, me shpresë se do të ketë më pak njerëz në pritje.
Të lodhur nga një situatë e tillë, qytetarët kërkojnë shtimin e sporteleve, duke kërkuar nga prefekti marrjen e masave.
Nuk ka asnjë afat se kur do të zgjidhet një problem i tillë, por ajo që dihet me siguri lidhet me numrin në rritje të personave që u skadon karta apo pasaporta përgjatë këtij viti, ndërsa sipas procedurave, edhe ata që kanë dy apo tre muaj nga viti i ardhshëm, duhet të nisin aplikimin 6 muaj më parë, sepse në të kundërt nuk do lejohen të udhëtojnë jashtë shtetit.
a.cupaj
