Shfaqja “Dogfall” e autorit australian, Caleb Lewis, me regji të Stefan Çapalikut, e cila përkujton 100-vjetorin e Luftës së Parë Botërore, u shfaq në teatrin “Migjeni” në kuadër të tetorit gjerman.
Ngjarjet zhvillohen në një bunker, një shpellë moderne në të cilën e ka prodhuar vetë njeriu për asgjësimin e shoqërisë.
Ky bunker është “atdheu” i tre ushtarëve, që përshkojnë së bashku në rreth 120 minuta 100 vite histori, nga fillimi i shekullit XX, deri në ditët e sotme.
Regjisori dhe dramaturgu teksa ndalet tek shfaqja “Dogfall”, shpjegon edhe arsyet, se përse publiku duhet ta shohë këtë vepër.
Ajo që mbetet nga shfaqja është tjetërsimi i qënies njerëzore, por për të arritur këtë është bërë një punë e rëndësishme.
Pjesa teatrale “Dogfall” është një reflektim mbi luftën, pajtimin e të ardhmen e përbashkët në Ballkanin Perëndimor.
Vënia në skenë e kësaj vepre u mundësua nga Ambasada gjermane dhe ajo franceze.
/b.d
