Një aksident rrugor është regjistruar në aksin Lushnje-Rrogozhinë, pranë Konjatit, mëngjesin e kësaj të marte, prej të cilit ka mbetur i plagosur në gjendje të rëndë drejtuesi i mjetit. Shkëlqim Xhija, 31 vjeç nga Cërriku, është transportuar menjëherë drejt Spitalit Rajonal të Lushnjes, nga ku gjendja e tij raportohet e rëndë.
Policia, që shkoi në vendngjarje për të hetuar shkaqet e aksidentit, raporton paraprakisht se ai mund të ketë ardhur si pasojë e përgjumjes së drejtuesit të mjetit. Pamjet nga aksidenti tregojnë makinën të anuar nga krahu i shoferit, në mes të korsisë së autostradës.
ma.me
