Komisioni i Posaçëm i Apelimit, ka marrë vendim për të mos kaluar për shqyrtim çështjen e çiftit të ish-prokurorëve Rovena Gashi dhe bashkëshortit të saj Dritan Gina. Sipas vendimit zyrtar, mësohet se nuk janë akte administrative individuale që vendosin masa disiplinore në kuadër të një procedimi disiplinor.
“Kolegji i shqyrtimit paraprak të ankimit, me vendimin nr. 2/2018 (JD), datë 21.06.2018, bazuar në nenin 31, nenin 31/a, paragrafi 2, germa “a”, si dhe në nenin 71/a të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar, vendosi:
Moskalimin për shqyrtim në seancë plenare të çështjes nr. 2/2018 (JD), datë 17.05.2018 me palë ankuese znj. Rovena Gashi dhe z. Dritan Gina. Objekt i këtij ankimi ishte “anulimi i vendimit nr. 140, datë 11.05.2018 të Prokurores së Përgjithshme të Përkohshme Arta Marku dhe anulimi i vendimit nr. 141, datë 11.05.2018 të Prokurores së Përgjithshme të Përkohshme Arta Marku etj.”.
Kolegji i shqyrtimit paraprak, i caktuar me short, ishte i përbërë nga Ina Rama relatore, Rezarta Schuetz dhe Luan Daci anëtarë”, thuhet në komunikimin e KPA. Prokurorja e përgjithshme e përkohshme, Arta Marku, pezulloi më herët nga detyra prokurorët Rovena Gashi dhe Dritan Gina pas regjistrimit të procedimit për fshehje të pasurisë.
Ndërkohë sipas raportimeve, mësohet se çifti ka fshehur pasuri të patundshme gjatë kohës së ushtrimit të detyrës. Ata nuk kanë deklaruar disa apartamente dhe godina që s’janë deklaruar prej tyre, por që se rezultojnë të regjistruar në emër të të afërmve të bashkëshortëve jashtë çdo lloj rregulli. Fill pas kësaj, ata u kundërpërgjigjën me akuza të forta duke nënvizuar se veç Komisioni i Pavarur i Kualifikimit ka tagrin për hetimin e pasurisë së tyre duke adresuar një sërë kritikash ndaj Markut.
ma.me