Një shtetasi italian më 25 shtator të 1987 iu vodh një motoçikletë Ciao ngjyrë bojëqielli.
E megjithatë, atij i vjen pas 31 vitesh një telefonatë nga karabinierët, të cilët i thonë: “Kemi gjetur motoçikletën tuaj.”
“Ciao” u gjend e parkuar në banesën e një 37-vjeçari që banonte në ‘Tizzano Val Parma’.
Vetëm 17 vjeç kur ia kishin rrëmbyer, 48-vjeçari shprehet për ‘Gazetta di Parma’ se me kalimin e kohës ai i kishte humbur shpresat për ta rigjetur motoçikletën e tij.
Motoçikleta në fjalë u gjend në kushte të mira, ndonëse nuk kishte targa. Identifikimi i mjetit u bë i mundur falë numrit të shasisë së mjetit.
a.ç
