Një aksident i rëndë me pasojë plagosjen e një të riu ndodhi gjatë mbrëmjes në vaun e Dejës.
“Me datë 28.05.2018 rreth orës 19:55 jemi njoftuar se në vendin e quajtur ura e Shelqetit ne fshatin Shelqet, Vau i Dejës, shtetasi G. P. 23 vjeç, banues në fshatin Stajka, Vau i Dejës, duke drejtuar mjetin motorçiklete, ka humbur kontrollin duke dalë nga rruga”, raporton policia.
I riu po merr mjekim në Spitalin Rajonal Shkodër dhe ndodhet në gjendje të rëndë.
Në vendngjarje ndodhet grupi hetimor dhe po punon për sqarimin e rrethanave të aksidentit./a.m.
