Uran Ismaili, nënkryetar i PDK-së, ka thënë se e konsieron kryetarin e Vetëvendosjes, Albin Kurtin si të rrezikshëm për Kosovën.
Sipas tij, politikat e kësaj partie janë të rrezikshme për vendin.“Unë konsideroj që Albin Kurti është rrezik për Kosovën dhe që Lëvizja Vetëvendosje ka bërë politika që janë të rrezikshme për Kosovën.
Tani s’mund t’i them Vetëvendosjes çohu dil zhbëji ato tani hajde flasim se s’munden të zhbëhen”, ka thënë Uran Ismaili në debatin në Rubikon të KTV-së për konsensusin politik.I menjëhershëm ishte reagimi i Besnik Bislimit të VV-së që tha se e “kupton sikletin e Ismailit”.
“Edhe unë kisha me qenë shumë në siklet me pas qenë i obliguar t’i mbroj politikat e tilla çfarë janë implementuar deri tash”, u shpreh Bislimi.
Ismaili ia ktheu duke i thënë se “nëse të them unë ty që ta ka shkruar sekretariati çka të flasësh, të fyej intelektualisht”, përgatiti Koha. (b.an)
https://video.gjirafa.com/koha?video=ismaili-thote-se-kurti-dhe-vetevendosje-jane-rrezik-per-kosoven
