Në një konferencë për shtyp ministri i Infrastrukturës dhe Energjitikës, Damian Gjiknuri foli për aeroportin e Vlorës ku theksoi se për ndërtimin e tij, “janë të interesuara tre kompani turke, shumë të njohura që po punojnë edhe në aeroportin e Stambollit”.
“Ky investim ka një ofertë prej 100 milion euro dhe do të jetë tërësisht privat, pa asnjë investim nga shteti”, u shpreh Gjiknuri.
Ministri theksoi se e gjithë kjo nismë filloi para tre vitesh kur ne çliruam shfrytëzimin e hapësirës ajrore nga monopoli. “Aeroport i Vlorës do të jetë edhe më i madh se aeroporti i Rinasit”, tha Gjiknuri.
“Gjithashtu po përfundojmë edhe studimin e fizibiliteti të aeroportit të Sarandës, i cili së bashku me aeroportin e Vlorës do të jetë një investim tepër i madh për zonën e Jugut”, u shpreh ministri Damian Gjiknuri.
a.ç
