Është zbardhur dokumenti i komisionit të shoqërisë civile për katër kandidatët e dërguar Parlamentit për përzgjedhjen e njërit prej tyre si anëtar i këshillit të lartë të prokurorisë nga shoqëria civile.
Sipas këtij Raporti të bërë publik nga Report TV pikët maksimale si anëtar i shoqërisë civile për të qenë pjesë e KLP-së i ka marrë kandidatja Entela Baci (Hoxhaj) me 81 pikë. I dyti Andi Muratej me 79.5 pikë, ndjekur nga Mimoza Qinami me 79 pikë. Më pak pikë ka mbledhur nga vlerësimi i komisionit të shoqërisë civile ish-prokurori Alfred Balla, ku në renditje ai është i katërti me 69 pikë.
Seanca dëgjimore me kandidatët nga shoqëria civile u mbajt pranë avokatit të popullit më 20 dhjetor 2017, ndërsa tashmë këto emra i kanë kaluar parlamentit për miratim.
Anëtari i shoqërisë civile për këshillin e lartë të prokurorisë për disa muaj rresht u kthye në “thembrën e Akilit” për ngritjen e KLP-s institucion i cili ka tagrin të propozoj kryeprokurorin e ri.
/a.m.
