Autori i krimit tronditës në Shkozë, Selman Alija, i cili vrau me çekiç babanë dhe trupin ia hodhi në liqenin e Farkës, ka dalë para Gjykatës së Krimeve të Rënda për t’u njohur me masën e sigurisë. Prokuroria ka kërkuar ‘arres me burg’ për 28-vjeçarin, i cili tronditi jo pak kryeqytetin këtë të diel. Para trupës gjykuese, i riu ka pranuar krimin e rëndë, duke thënë se nuk mban mend sa herë e ka qëlluar.
“Nuk jam i sigurt sa herë e kam qëlluar. Pashë që babai im nuk po merrte më frymë dhe nuk po reagonte. Më pas, kam mbështjellë trupin me plastmas dhe e kam hedhur në liqen”, mësohet t’i ketë thene autori gjyqtareve. Gazetari i Report Tv raportoi se shpesh autori është shfaqur duke qarë, por edhe duke qeshur. Ai është përdorues i lëndëve narkotike dhe e ka pranuar këtë edhe para gjykatës.
Babë e bir kanë pasur shpesh konflikte mes tyre dhe kjo është tashmë e konfirmuar. Ngjarja është tentuar të mbahej e fshehtë fillimisht, ndërsa dyshohet që mamaja e Selmanit ka qenë e pranishme në momentin e krimit, por e ka fshehur.
Kanë qenë fqinjët që kanë parë ngjarjen, ndërsa më vonë policia ka mbërritur në vendngjarje dhe gjetur gjurmë gjaku.
Njëri prej fëmijëve të viktimës jeton jashtë dhe dyshohet të jetë pikërisht ai që ka njoftuar policinë.
