Pak ditë pasi kosovarët do të festojnë dhjetëvjetorin e pavarësisë, ata do të marrin dy lajme që i kanë pritur gjatë. Së paku kështu sipas kryeministrit të Kosovës, Ramush Haradinaj, i cili ka thënë për televizionin publik se liberalizimi i vizave do të ndodhë në mars të vitit të ardhshëm.
Po ashtu, sipas tij, po këtë muaj do të formohet edhe ushtria e Kosovës.Kosovarët mund të lëvizin pa viza para muajit mars të vitit që vjen. Gjithashtu edhe FSK-ja para atij muaji, mund të shndërrohet në ushtri të Kosovës.
Madje muaji mars mund të jetë koha më e largët kur këto dy procese mund të realizohen.Për këto dy çështje dhe shumë të tjera, kryeministri do të udhëtojë më 18 dhjetor në Bruksel.
Është hera e parë që për liberalizimin e vizave dhe formimin e ushtrisë së Kosovës, sipas kryeministrit ka një afat kohor e që është marsi, përgatiti Koha. (b.an)
