Takime intensive në tentim për t’i bashkuar forcat do të fillojnë që nga e hëna e kësaj jave mes koalicionit LDK-AKR-Alternativa dhe Lëvizjes Vetëvendosje, shkruan “Koha Ditore”.
Eksponentë të këtyre dy subjekteve tashmë kanë caktuar përfaqësuesit e tyre që do të bëjnë përpjekje për t’i përafruar qëndrimet programore, në përpjekjen për të fituar shumicën parlamentare, gjë të cilën nuk ka arritur që ta bëjë për gati tre muaj fituesi relativ i zgjedhjeve të qershorit, koalicioni PAN. Megjithatë, kjo nuk pritet t’i japë fund krizës politike as këtë javë… (b.an)
