Burime nga policia e shtetit bëjnë me dije se një gomone është bllokuar herët në mëngjez në brigjet e plazhit të Shëngjinit.
Gomonia është bllokuar rreth orës 04:00 të mëngjesit të sotëm dhe gjithashtu forcat e policisë së Lezhës kanë arritur të arrestojnë dy persona që ndodheshin pranë gomones.
Pranë mjetit lundrues janë identifikuar edhe 30 bidona benzinë, të cilët kanë shtyrë grupin hetimor të dyshojnë se mjeti do të përdorej për trafik droge. Vazhdojnë hetimet për zbardhjen e plotë të ngjarjes, por deri tani janë vetëm këto të dhëna.
