Kryeministri Edi Rama nga Shkodra, teksa ka përuruar Urën e Bunës, duke premtuar se do të vazhdojë të bëjë për qytetin çdo ditë e më shumë nuk ka lënë pa u kujtuar se shkodranët e kanë vënë në pozitë të vështirë.
Duke numëruar arritjet dhe punën e bërë nga qeveria e tij, Rama e ka mbyllur fjalën me një falënderim për shkodranët.
Kryeministri Edi Rama, gjatë përurimit të Urës së Bunës në Shkodër, tha se, edhe pse ka kritika, Rilindja Urbane do të vijojë në të gjithë Shqipërinë.
“Kritikët, Rilindjen Urbane e kanë përcaktuar si fasadë. Unë nuk e konsideroj fjalë negative fasadën. Ia thashë edhe Lulit, që nëse nuk e konsideron të rëndësishme fasadën, pse krihesh? E njëjta gjë vlen edhe për hapësirat urbane”, tha Rama.
Kryeministri shtoi: “Kemi ngritur 641 kantiere nga Tropoja deri në Konispol. Këto projekte kanë injektuar para’ në ekonominë kombëtare, duke krijuar punësim”.
Rama deklaroi se qeveria do të vazhdojë me programin e saj.
“Besojmë që nëse turistët janë rritur si numër në Shqipëri, kjo lidhet edhe me këtë program të Rilindjes Urbane”, tha Rama./a.ç