Policia federale braziliane njoftoi sot se kishte arrestuar një italian, anëtar i rëndësishëm i “Ndranghetas”, mafia kalabreze, objekt i një mandatarresti ndërkombëtar paraqitur nga Interpoli.
“Vincenzo Macri u arrestua në aeroportin ndërkombëtar të Guarulhos pranë Sao Paulos, në juglindje të Brazilit, mbajtës i një pasaporte venezueliane me emrin Angelo di Giacomo”, theksoi policia federale në komunikatën e rastit.
“Ai ndodhet aktualisht në selinë e policisë federale në Sao Paulo dhe do të ekstradohet drejt Italisë, ku është në kërkim për trafik droge”, vijon komunikata.
Sipas të dhënave që disponon policia braziliane, Vincenzo Macri është djali i Antonio Macri, i cili vdiq në vitin 1975 dhe ishte shefi historik i ‘Ndranghetas’, organizatë mafioze kalabreze, në jug të Italisë./a.m.
