Ka surprizuar jo pak prezenca e kandidatit të PS për deputet në Qarkun e Kukësit, Safet Gjici, përkrah Eduard Ndocajt në një takim të këtij të fundit me banorë të Lezhës.
Ndocaj kandidon për deputet pikërisht në këtë qark, ndërsa ka habitur Gjici i cili i është bashkuar fushatës anti-PS të kreut të Partisë Bashkimi Demokristian.
Pas largimit nga PS dhe dështimit të negociatave me Lulzim Bashën, Ndocaj ka nisur një fushatë kundër dy forcave të mëdha politike, duke mos kursyer as kryeministrin Edi Rama.
Bie në sy gjithashtu se në këtë takim janë përdorur bankat e shkollës, një shkelje kjo e ligjit elektoral dhe Kodit Penal që ndalon përdorimin e aseteve shtetërore në funksion të fushatës zgjedhore.
