Avokati i Popullit në pajtim me kompetencat dhe përgjegjësitë ligjore, ka vendosur të hetojë çështjen e shpërndarjes së vlerës së energjisë që shpenzohet në veri të vendit, nëpër fatura të qytetarëve gjithandej Kosovës.
Avokati thotë se ky hetim bazohet mbi raportimin e mediave, ku theksohet se vlera vjetore e sasisë së energjisë së konsumuar në atë pjesë, llogaritet të jetë rreth 8 milionë euro, shumë e cila konsiderohet se u vihet në barrë qytetarëve në pjesët tjera të vendit, përcjell ksp. (b.an)
