Rama: Vendime të paligjshme gjykatash kanë grabitur miliona metra katror të pronës publike

Kryeministri Edi Rama ka vënë sot theksin në një sërë vendimesh të paligjshme të gjykatave që kanë sjellë pasoja mjaft të rënda si për buxhetin ashtu edhe për pronën publike. Sipas tij, këto vendime të paligjshme kanë sjellë dëme të mëdha dhe po grabisin sipërfaqe në miliona metra katror në dëm të pronës publike dhe dëme financiar në miliona lek në kurriz të buxhetit. Ai ka sjellë për këtë edhe një sërë shembujsh nga vendime absurde të gjykatave të dhëna pa asnjë dokument ligjor duke filluar që në Velipojë, Tiranë, Zvërnec etj. Deklaratat e Ramës u bënë gjatë një takimi me sipërmarrësit dhe investitorët.

Kryeministri theksoi se për këto çështje e për shumë të tjera duhet që politika t’i hapë rrugë zbatimit të Vettingut. “Të zhbllokojmë Vettingun, nuk është cështje politike, por e interesit kombëtar që këta mjeshtra e kthyen prej 20 e ca vitesh drejtësinë në tregun më të madh në këtë vend ku e drejta blihet ose shitet njësoj sic shitet e blihet mish duhet të marrin atë që meritojnë, duhet të zhduken nga rruga e këtij populli”.

Sipas kreut të qeverisë, është e patolerueshme që gjykatat të bllokojnë bankat për llogari të dyshimta nga persona të ndryshëm. “Në një vend që duam të bëhemi shtet, gjykata bllokojnë bankat, në vend të bllokojnë llogaritë e atij apo asaj që ka shkelur ligjin”.

Vijon

Ma.Me /javanews.al