Kryeministri Edi Rama ishte dje në Urgjencën e Spitalit Rajonal të Vlorës.
Sot Rama ka publikaur një video në Facebook, ku tregohet transformimi rrënjësor i kësaj qëndre shëndetësore.
“Hapa të tjerë në rrugën vështirë të Rilindjes së Shëndetësisë, ku ka ende shumë për të bërë dhe ku sado të lehin qentë karvani do shkojë përpara”, shkruan Kryeministri Rama.
Në Urgjencën e transformuar rrënjësisht të Spitalit Rajonal të Vlorës ofrohet tanimë një shërbim krejt i ri, me pajisje mjekësore të teknologjisë më të fundit dhe me mjekë e infermierë të specializuar posaçërisht për këtë shërbim jetëshpëtues për banorët e për vizitorët e qytetit gjatë sezonit turistik. Ky përmirësim tërësor i shërbimit të urgjencës përfshin të pesë spitalet rajonale bregdetare në Vlore, Lezhë, Durrës, Sarandë dhe Shkodër.
Shërbimi i urgjencës deri vjet i cunguar në mjete dhe në kapacitetin pritës, sot ka 127 autoambulanca nga 70 që numëronte më parë, si dhe 500 forca të specializuara që i janë shtuar personelit të këtij shërbimi. Me qendërzimin e sistemit të komandës dhe të koordinimit të urgjencës në rang republike, me rishpërndarjen racionale të mjeteve, me trajnimin e vazhdueshëm të personelit të shërbimit, do të behet e mundur që ndryshimet e nisura të thellohen dhe shërbimi i urgjencës në Shqipëri të normalizohet./b.d
