Pjesa më e madhe e vendit do të karakterizohet nga vranësira dhe intervale të shkurtra kthjellimesh me përjashtim të ekstremit verior dhe jugor ku do të ketë vranësira dhe shira të dobët. Gjatë pasdites si edhe në orët e mbrëmjes parashikohet largim i vranësirave dhe shirave duke bërë kështu që i gjithë vendi të jetë në ndikimin e kthjellimeve.
Sipas MeteoAlb, temperaturat e ajrit do të pësojnë rënie në të dy vlerat ekstremale të ditës. Era do të fryjë mesatare në tokë dhe në det me 30 km/h nga drejtimi Juglindor duke bërë që në brigjet detare të gjenerohen dallgë 2 ballë.
Europa
Vendet Lindore do të mbeten nën ndikimin e vranësirave dhe reshjeve të dendura të dëborës. Po ashtu, me vranësira dhe reshje shiu e dëbore do të paraqitet situata meteorologjike edhe për Ballkanin por intensiteti i reshjeve do të jetë i dobët. Ndërsa pjesa tjetër e kontinenti Europian do të jetë nën ndikimin e motit të qëndrueshëm ku kthjellimet do të jenë dominante./noa/a.k
