Pas derbit të mbrëmshëm midis Milanit e Interit, mbyllur në barazim 2-2, ish-sulmuesi kuqezi Daniele Massaro ka postuar në Instagram një foto legjendash. Në plan të parë janë presidenti Silvio Berlusconi, midis dy ish-kapitenëve Franco Baresi, Paolo Maldini dhe aktorit komik Teo Teocoli, tifoz i njohur i kuqezinjve. Pas tyre, vetë Massaro, si dhe, në sfond, eurodeputeti i Lega Nord, Matteo Salvini.
Me Baresin e Maldinin në skuadër, plus shumë yje të tjerë, financuar nga Berlusconi, Milani arriti të bëhej skuadër dominuese në Itali dhe Evropë, duke fituar dhjetra trofe.
CM/d.i.
