Dashi
Sot do të keni një ftesë për një event të rëndësishëm për partnerin/en. Shikoni në detaje çfarë do të vishni sepse do të ketë rëndësi paraqitja e jashtme. Beqarët do realizojnë takime interesante të cilat do ja mbushin ditën plot gëzim. Në planin financiar do keni fat me shumicë. Gjendja do përmirësohet.
Demi
Ndjeheni mirë në ambientet e shtëpisë sot me njeriun e zemrës dhe nuk doni të dilni as për pune, as për ndonjë gjë tjetër. Çuditërisht partneri/ja do të qëndrojë t’ju bëjë shoqëri. Beqarëve nuk do ju rrahë zemra fort për asnjë nga personat që do takojnë, prandaj nuk do vendosin të hedhin hapa më tej. Financat do vinë duke u stabilizuar.
Binjakët
Keni dëshirë për udhëtime dhe për ndjesi të reja, por partneri/ja juaj do t’ju lërë vetëm në këtë ide të çmendur. Nuk do të jetë i disponueshëm për t’ju shoqëruar. Beqarët më në fund do realizojnë një takim mbresëlënës nga i cili mund të nisin edhe një lidhje. Financat do jenë të mira, mundësi edhe për të shpenzuar.
Gaforrja
Frikëra dhe dëshira të fshehta do të turbullojnë sot mendjen tuaj për ju të dashuruarit. Një flirt në punë po bëhet me i rrezikshëm seç e mendonit përsa i përket ndjenjave. Beqarët duhet t’i bëjnë sytë katër në çdo moment pasi personi i ëndrrave mund të mbërrijë atëherë kur ata më pak do e presin. Në planin financiar nuk do keni fat, parashikohen probleme.
Luani
Sot do të shoqëroni fëmijët në çdo gjë që ata kërkojnë. Jeni tipa të rezervuar por sot do të tregoni se vetëm të vegjlit mund t’ju rrëmbejnë zemrën. Beqarët sado që të mundohen nuk do arrijnë dot ta gjejnë personin që kanë ëndërruar. Në planin financiar situata ka për t’u përmirësuar tej mase.
Virgjëresha
Ndiheni keq sot që puna juaj zë atë kohë të vyer që mund të kalonit me dashurinë e zemrës. Por disa impenjime nuk mund ti anashkaloni dot. Beqarët do kenë disa takime, po asnjëri me perspektive për të ardhmen. Buxheti nuk do jetë i mirë, megjithatë kjo nuk duhet t’iu dekurajojë aspak.
Peshorja
Disa aspekte jo të këndshme të karakterit tuaj sot do të dalin në dritë. Kjo jo për fajin tuaj por sepse persona aspak miqësorë po ju shtyjnë të kundërveproni. Beqarët do lodhen pak duke kërkuar dashurinë, por me pas jeta e tyre do ketë ndryshime rrënjësore. Financat do jenë të ekuilibruara, nuk keni arsye për tu shqetësuar.
Akrepi
Jeni të shqetësuar të ulni gjakrat brenda mureve të shtëpisë sot. Ju jeni amortizatori i vetëm i situatave të ndezura dhe konfliktuale. Beqarët do bëjnë çmos për të ndryshuar statusin, por duhet të tregojnë kujdes në marrjen e vendimeve. Financat do jenë problematike, kujdes me shpenzimet.
Shigjetari
Gjatë këtyre ditëve e vetmja gjë që ju shqetëson është komunikimi dhe marrëdhënia me miqtë dhe partnerin/en. Beqarët ka rrezik të bëjnë edhe çmenduri vetëm që ta ndryshojnë statusin e tyre. Buxheti do vazhdojë të mbetet i mirë sepse do dini mirë t’i bëni llogaritë para se të shpenzoni.
Bricjapi
Sot çdo gjë që ju rrethon në ditën tuaj ka të bëjë me artin. Kreativë ose jo do të dini të shijoni situatat dhe personat që ju sjell dita. Beqarët do kenë plot takime interesante dhe pa e kuptuar do e gjejnë veten në shoqëri të një personi. Financat do të jenë të paqëndrueshme, kujdes me shpenzimet e panevojshme.
Ujori
Nuk do të keni limite sot si në gjerat e mira ashtu dhe në ato të këqijat që ju rezervon dita ju të dashuruarve. Një kakofoni e madhe ndjenjash nuk po ju lë të qetë. Beqarët do i kenë idetë e qarta për atë që kërkojnë dhe nuk do pranojnë çdo lloj ftese. Financat do jenë të mira, Saturni do jetë planeti pozitiv që do ju ndihmojë në menaxhimin e tyre.
Peshqit
Jeni paksa të plogësht sot por jeni shumë të dashur me personat që ju rrethojnë. Ndjeni nevojën e një përqafimi nga partneri/ja herë pas here. Beqarët do realizojnë takime pa fund, por nuk do jenë të vendosur për të hedhur hapa më tej. Financat janë mjaft të mira, kjo falë menaxhimit tuaj.
