Kryeministri Edi Rama ka deklaruar se, institucionet shtetërore janë maksimalisht të angazhuara për t’i bërë ballë situatës së vështirë të krijuar nga përmbytjet.
“Gjithçka për të përballuar tërbimin e natyrës me organizim, koordinim, dinjitet dhe mirëkuptimin e qytetarëve”, ka thënë Rama në një postim në Facebook.
Kreu i qeverisë shprehet se, “do të jenë edhe 24 orë të vështira”, por në fund “çdo gjë do të shkojë në vendin e vet”. “Kurajo dhe faleminderit të gjithëve!”, ka thënë Rama.
