Kosova publikon listën kundër Kroacisë Albert Bunjaki ka publikuar listën e futbollistëve të ftuar për ndeshjet kundër Kroacisë dhe Ukrainës.
Përzgjedhësi i Kosovës, Albert Bunjaki ka publikuar listën e futbollistëve të ftuar për dy ndeshjet e radhës, kundër Kroacisë dhe Ukrainës në kuadër të kualifikimeve për Kupën e Botës ‘Rusia 2018’.
Ndeshja e parë do të zhvillohet me 6 tetor në Shkodër, ndërsa ndeshja e dytë tre ditë më vonë kundër Ukrainës në Poloni.
Në këtë listë janë shumica e lojtarëve që ishin në përballje me Finlandën, ndërsa për herë të parë janë ftuar portieri Adis Nurkovic dhe ylli i Hereenvenit, Arbër Zeneli, citohet “Express”. (b.an)
