Një situatë e rrezikshme është krijuar në fundjavë, pasi një asteroid me një largësi sa një “fije floku”, në terma astronomike, i është afruar Tokës dhe Hënës.
Sipas “Daily Mail”, asteroidi i quajtur “2016 QA2” ecte me një shpejtësi prej 80 000 kilometrash në orë.
Ekipi i shkencëtarëve në Sonear, Brazil, beson se asteroidi ka qenë duke udhëtuar në një orbitë eliptike rreth diellit, duke përfunduar një xhiro të yllit, që e kryen një herë në çdo 350 ditë.
Por, orbita e tij është më eliptike se ajo e Tokës, duke e dërguar atë pak më tej nga dielli, rreth 1.2 herë distancën nga Toka në Diell.
Një rrjet i teleskopëve është “trajnuar” në qiell për të parë për asteroidët që vijnë në drejtim të Tokës, me drejtim goditës.
Ndërsa shumica e këtyre objekteve pranë Tokës nuk përbëjnë rrezik real për ne, por astronomët janë duke vëzhguar nga afër asteroidët, të cilat janë potencialisht të rrezikshëm.
Asteroidi “2016 QA2”, nëse godet Tokën do të shkaktojë dëme të mëdha, por jo aq sa për të shuar qytetërimin.
Dëmet e shkaktuar nga asteroidët kanë qenë të mëdha. Ai që goditi Tunguskanën në Siberi, në vitin 1908 dogji pyllin dhe rrafshoi pemët përgjatë mijëra miljeve katrorë, besohet të ketë qenë nga 60 deri në 190 metra.
Sipas Space.com, një asteroid duhet të jenë të më i madh se 0.6 milje (1 km) që të ketë forcën për të zhdukur njerëzimin./tvklan.al/a.m.
