Caleb Scharf (Columbia Astrophysics Laboratory, New York) dhe Leroy Cronin (Glasgow University, UK) përpiqen që të japin një përgjigje pyetjes sesa mundësi ka që në planetë të tjerë të ketë jetë nëpërmjet krijimit të një formule të komplikuar matematikore
Gati çdo ditë zbulohen planetë në sistemet e tjera diellore, ose konfirmohen vëzhgime dhe aludime të mëparshme. Aktualisht numërohen më shumë se 3500 planetë të zbuluar. Një nga pyetjet që mundon më shumë shkencëtarët është nëse a ka edhe në planetët e tjerë jetë, apo njeriu është e vetmja qenie e gjallë në të gjithë universin? A është e mundur që të mund të vlerësojmë probabilitetin që një planet mund të jetë burim jete?
Caleb Scharf (Columbia Astrophysics Laboratory, Neë York) dhe Leroy Cronin (Glasgow University, UK) përpiqen që të japin një përgjigje kësaj pyetjeje nëpërmjet një pune të fundit shkencore që ata kanë bërë.
Me fjalë, duket e lehtë
Të dy kërkuesit u nisën nga teoria e abiogenesis (evolucioni origjinal i jetës ose organizmave të gjallë nga substanca inorganike ose të pajeta). Kjo teori ka studiuar se si jeta ka nisur dhe më pas është zhvilluar në Tokë dhe hipotetikisht në vende të tjera të universit që ne aktualisht njohim. Shkencëtarët nisen nga fakti që jeta mund të nisë dhe zhvillohet në planetë të ndryshëm duke u nisur nga elementë kimikë (jobiologjikë), që duke reaguar mes tyre çojnë në rezultatin final, jetën, në një hapësirë kohore që varet nga planeti në planet.
Formula
Scharf e Cronin krijuan një ekuacion matematikor për të llogaritur probabilitetin ku mund të zhvillohet jeta në një planet, duke përdorur parametra të ndryshëm, mes të cilëve:
1) numri i përbërësve kimikë (proteina, lipoide, karbohidrate) të nevojshme për t’i dhënë origjinën “grimcave bazë” elementare të jetës, që në planetin tonë përbëhen nga 10^49 atome.
2) numri mesatar i “grimcave bazë” elementare të nevojshme për të bërë të mundur krijimin e një organizmi të gjallë të një rëndësie të caktuar. Për shembull, për një bakter numri është 10^11.
3) Probabiliteti që jeta të zhvillohet për njësi kohe nisur nga një numër i caktuar “grimcash bazë elementare”.
Duke qenë se dijet tona shkencore nuk na lejojnë që ne të përcaktojmë numrin e ngjarjeve të lindjes dhe zhvillimit të jetës që mund të ndodhin në një planet në një interval kohe të caktuar, formula nuk është sasiore (jo nga një vlerë absolute probabiliteti), por cilësore.
Bëhet fjalë për substancën e një gjeneze kërkimi që supozohet mund të japë në të ardhmen rezultate konkrete.
Jashtëtokësorët kanë ekzistuar
Në të kaluarën shkencëtarët më pesimistë thanë se nisur nga llogaritjet se probabiliteti që në një plan të zhvillohet në një qytetërim teknologjikisht i avancuar është 1 në 10 miliardë. E nëse mbajmë këtë nivel pesimizmi, në bazë të llogaritjeve rezulton se mund të keni lindur e përparuar rreth 1 trilionë qytetërime me karakteristika të tilla, përgjatë historisë kozmike.
Në praktikë, me dijet që ne i kemi arritur deri më tani, të dyshosh se para nesh nuk ka pasur qytetërime të tjera të avancuara rezulton dukshëm irracionale. Kjo nuk do të thotë se ka tani, por ndoshta mjafton për të bërë që ne të ndihemi disi më pak vetëm./shqip/a.k
