Emirati i Dubait njoftoi të enjten qëllimin e tij që të pajiset deri në vitin 2030 me një central diellor prej 1.000 megavatësh (MW), i paraqitur si më i madhi në botë.
“Faza e parë e projektit pritet të mbyllet në vitin 2021 me një kapacitet prodhimi prej 200 MW”, njoftoi në një konferencë për shtyp drejtori i Autoritetit të Ujit dhe Elektricitetit në Dubai (DEWA), Saeed Mohammed Ahmed al-Tayer, citohet Express.
Kjo teknologji mundëson përqendrimin e rrezeve të diellit drejtpërdrejt në një absorbues, që i transformon ato fillimisht në nxehtësi shumë të lartë dhe më pas në elektricitet. (b.an)
