Përfaqësimi i Shqipërisë në Lojërat Olimpike ishte mjaft dinjitoz pasi vendi siguroi dy medalje bronzi, por suksesi nuk ka kaluar pa sfida. Kreu i KomitetitOlimpik Shqiptar, Fidel Ylli, ndan në “Rudina” në Tv Klan një sekret të ekipit gjatë Lojërave Olimpike.
Zelimkhan Abakarov rezultoi me Covid gjatë qëndrimit në Fshatin Olimpik, por gjithçka u mbajt e fshehtë. Sportisti pati momente të vështira shëndetësore duke i frikësuar të gjithë, ama ia doli që të garonte e fitonte.
Fidel Ylli: Ne nuk donim ta bënim publike se s’donim të krijonim ankth, por Abakarovi na doli në Fshat me Covid.
Rudina Magjistari: Gjatë Lojërave Olimpike? Në Fshatin Olimpik?
Fidel Ylli: Në Fshatin Olimpik, 15% e sportistëve ishin me Covid.
Fidel Ylli: Ai ishte totalisht i këputur, i mbaruar dhe ne kur i shkoi pulsi 5 u frikësuam sa mjeku që kishim marrë me vete, Bujari, tha “ky s’duhet të hyjë në garë”. Ai hyri në garë, e fitoi.
Rudina Magjistari: Tani, ju, ta themi mes nesh, nuk i thatë njeriu? Se ai s’do ishte lejuar të garonte.
Fidel Ylli: Nuk i thamë njeriu se po t’i thonim njeriu do të krijohej një ankth në të gjithë Fshatin.
/a.r
