18 vite të dashuruar, Rezarta Shkurta bën dedikimin romantik për bashkëshortin e saj, Ermal Hoxha.
Në rrjetet sociale, artistja ka rikujtuar ceremoninë martesore duke postuar foto dhe video.
“Ndonjëherë më duket sikur të njoha dje. Ndonjëherë sikur s’kam jetuar kurrë pa ty. S’më besohet që kanë kaluar 18 vite e gjysmë dhe çmendem për ty akoma dhe më shumë se ditën e parë”, shkruan ajo krahas fotove.
Deklarata e dashurisë për partnerin nuk mungojnë në Instagramin e Rezartës, e cila është tërhequr prej disa vitesh nga muzika. Ndër këngët e fundit të krijuara prej saj, ishte pikërisht një dedikim për Hoxhën. “Gjysma ime” u lansua në vitin 2016, gjatë kohës kur Hoxha ndodhej në burg.
Rezarta dhe Ermali janë prindër të Herës, 10 vjeç./m.j
