Kriminelët shqiptarë të dënuar në Britaninë e Madhe po dërgohen për të kaluar kohën e dënimit në vendin e tyre, ku burgjet kanë dhoma për të bërë dashuri, shkruan britanikja ‘Mirror’.
Kriminelët e transferuar në burgjet e vendit mund të gëzojnë katër orë në muaj në shtrat me “gjysmat e tyre”, ndryshe nga këtu ku nuk lejohen vizitat bashkëshortore. Zbulimi ynë vjen pasi rreth 200 keqbërës, përfshirë vrasës dhe përdhunues, janë vendosur të transferohen në burgje të qeta në Shqipëri sipas një marrëveshjeje me Qeverinë e Mbretërisë së Bashkuar.
Përparësitë e tjera përfshijnë paketa javore me ushqime dhe rroba nga familja, ambiente personale gatimi dhe leje deri në shtatë ditë për sjellje të mirë. Dhe disa të tjerë do të kenë përparësi më të mira.
Rreth 12 vrasës, tetë përdhunues dhe më shumë se 100 fajtorë për vepra droge ose armë zjarri pritet të kthehen për të vuajtur pjesën tjetër të dënimit. Disa do të kryejnë më pak burg se sa në Mbretërinë e Bashkuar pasi dënimet e tyre janë përshtatur me legjislacionin shqiptar. Në disa raste kjo është më e ulët, por në burgjet e Mbretërisë së Bashkuar të burgosurit lirohen në gjysmë të rrugës me synim për të liruar hapësirat në ambientet e vuajtjes së dënimit. Përgatiti BW
